مساء خير وحب وسعادة ورضا يارب ياكريم 💖
كيفكم انشاءالله تكونو طيبين 💓
تدوينة اليوم هي وحده من التدوينات اللي كتبت مراجعه كامله عنها في تطبيق goodreads وسبق وشرحت بشكل مفصل عن هاذا التطبيقوطريقة استخدامه والاستفاده منه ، هالتطبيق فعلاً رح يفيد الناس اللي تحب تقرا ريفويهات عن كتب قبل تقرر انها تقتنيها او اللي تحبتكتب رأيها وتشارك مع الناس الكتب اللي قرأتها ، لو حابين تقرون الريفيو اللي كتبته اضغطو على هذا رابط 👇
نجي عند موضوعنا ، موضوع اليوم رح يكون عن كتب ما توفقت فيها و اقتنيتها بعد مدح كبير وغير طبيعي على هاذي الكتب 🧐، الكتباللي رح اشاركها معكم لها كثير معجبين ، لها ناسها لكن في النهاية رأيي بالكتب يعبر عني ، يعبر عن ذوقي ورأيي الشخصي لا غير ، فاخذو اللي يعجبكم واتركو الباقي 👌 وعشان ما اطول عليكم نبدأ بأول كتاب ✨
كتاب موتٌ صغير للكاتب محمد حسن علوان
قرأت الكتاب و وقفت بصفحة ٢٢٤ ، اللي حمسني اني اشتري الكتاب واقرأه هو حصولها على جائزة البوكر والريفيوهات العاليه والمدح الليقريتها عن هالروايه خلاني اشتريه كأول كتاب ومع ذلك ما قدرت اكمل الكتاب للأسف الشديد ، من اول ما قرأته وأنا متأمله إني رح ألقىفصل ياخذني بأحداثه واستمتع اكثر لكن للأسف هالشي ماصار ، ملل في ملل وسرد مفصل للأحداث ولأماكن ، وقفته وكرهت ارجع له ومااتوقع اعطيه فرصه ثانيه الصراحه ، محمد حسن علوان اللي كتب رواية سقف الكفايه غير عن محمد حسن علوان اللي كتب موت صغير 💔هذا غير سعر الكتاب اللي لو وفرته كنت اخذت بداله كتابين او ثلاثه ، ماتوفقت فيه ابداً
اعطيه ١٠/٣
الكتاب الثاني هو سقف الكفايه لنفس الكاتب محمد حسن علوان
بالعادة احب اقرآ الاراء بعد ما انهي الكتاب وقبل لا اترك رآيي
اللي استغربته كثير ناس خاصةً من اللي تقيمهم نجمه او نجمتين في goodreads ما اعتبروها روايه من الاساس
وانا ما اعرف من وين ابدآ ،اكثر روايه حيرتني الصراحه ، بين اعجبتني و خلتني اعيش التفاصيل كامله بحذافيرها واشوف بعيون ناصرواحس بنفس آحساسه وآلمه ، ومابين انها ما اعجبتني و اني بين كل فصل وفصل آذم ناصر وآذم تفكيره وآذم تصرفاته وتجاهله لكل ما حولهمن نِعم وحب واعني بالحب حب عائلته ووجود اخته معه بمراحل حياته عشان مها الي اللي بنظري ما تستاهل كل التمجيد اللي ثنى منعمره اشهر و قرابة السنه عشانها ، لما تخلص من الروايه مالك غير تتكلم عن الشخصيات نفسها بدل ما تنغمس في احداث الروايه ، الروايهلها سلبيات وايجابيات ، لكن من اكبر ايجابياتها والشي اللي عجزت القاه في كتب وروايات ثانيه ، طريقة كتابة محمد علوان وصياغته للآلم والحزن والمعاناه في اسطر وكلمات تجبر القارىء على انغماس في مشاعر الفقد والحِداد على فراق ناصر لمها ، تقع بسحر الكلمه و اللغهوهذا اللي شجعني اكمل الروايه ، وحرفياً اقتبست من الكتاب عشرين اقتباس لكثرة الاقتباسات اللي لامستني ، كانت فيها نوع من الكئابه ماكنت اقدر اخلص اكثر من ١٠ صفحات ، وهذا دليل على انه فعلاً الكتاب يحيرك ،اكتفي ب ١٠/٥ اشوف انه تقيم عادل بالنسبه لي
وزي ماقلت بالبدايه رأيي الشخصي يعبر عني كثير ناس اعجبتهم وصار على هالكتب ضجه لاكن اشوف انها ما تستحق امانةً وخلتني اعيدالنظر في قراءة كتب لمحمد حسن علوان يمكن بيوم من الايام اقرأ كتاب له ويعجبني من يدري 👀 وبكذا اكون وصلت لنهاية التدوينه اتمنىاكون افدتكم ولو بشي بسيط واشوفكم في تدوينات القادمه 💖
تعليقات
إرسال تعليق