تجربتي البسيطه في الأهتمام بطيور الحب ( البادجي )🐥💘

The first time I met Carmen and Nicole 🐣💓 

 كأول تدوينه اكتب فيها شيئ بسيط من يومياتي ، قطعه مني ، ذكرى وتفاصيل تنحفظ ، تنحفظ لوقت اللي اتذكرها وابتسم لجمال تفاصيلها 💜 ، انا انسانه احب التقط صوره لاي ذكرى وحدث يصير بيومي لذكرى 

مثل اي انسان ثاني ، التدوينه كتبتها من زمان وحفظتها مسوده في الملاحظات ونسيت منها حرفياً 🤭 ، فتعتبر تدوينه اشياء جربتها وحبيتها وافادتني في تربية طيور الحب لانها اول تجربه لي واول مره اقتني فيها حيوان عندي بالبيت فكنت   كلي حماس اني اكتب عنهم تدوينه خاصه  ..

في تاريخ 22/7/1440 بالهجري يوافق 29/3/2019 بالميلادي كان اول يوم اخذت فيه كارمن ونيكول 

كثير اعترضو على اسم كارمن كذكر لانه اسم انثى على عكس نيكول 😑  لكن من اول ماشفته لونه ازرق ما ادري يمكن احساس ان الاسم يركب عليه اكثر من الانثى ، ما كانت لي رغبه اني اخذ عصافير امانةً كنت افكر اربي حيوان اليف حيوي ولعوب ورفيق مثلً الهرة مثلاً 👀 ، لكن اهلي رفضوها فأخذت العصافير كاتقبلاً ورغبةً مني اني اخذها بدلاً من الهرر واخذتها ، كانت جداً جداً هاديه وماتوقعت هذا الهدوء من الطيور مثل طيور الحب لان كثير من اقاربي عندهم مجموعه من طيور ببيتهم ومع ذلك كنت اشوف انها تعطي حياة وجو للبيت على عكس عصافيري ، شكيت ببداية انها مريضه ، مو لشي لحرصي الشديد فيها حسيت انها جداً هاديه واعتبرتها مشكله المفروض تنحل ..🧐

و لما بحثت وقريت وعرفت ان هذا الشي طبيعي ان الطيور ببدايتها تكون هاديه وتعلمت انه عشان تصير تغرد وتكون حيويه ونشيطه لازم تسمع صوت تغريد طيور من نفس فصيلتها ، فكنت اشغلها باليوتيوب اصوات طيور حب تحفزها على النشاط اخذت يومين تتنشط لما تسمعها واول ما اسكر ترجع لحالتها ، بعد هاليومين صارت مو تغرد وبس .. صارت مصدر ازعاج😣  للأسف لحد ماتعودت معها .

من ايجابيات هالطيور ان نظمت نومي ، فعلياً انا انسانه احب الصباح وانسانه صباحيه ⛅️ ، صار نظامي انام ١٠ الليل واصحى ٧ الصبح حتى بأيام الاجازات واكيد اهي تصحيني بالتغريدها لو كانت عندك بالغرفه او خارج الغرفه بحيث صوتها يكون مسموع لك رح تكون بمثابة منبه لك تصحيك بوقت محدد ، طبعاً انا اكون فاتحه الستاره فلما يدخل نور الشمس تغرد لو الدنيا الظلام طبيعي لا ، فعشان يتنظم نومك حط العصافير بمكان ستارته مفتوحه ٢٤ ساعه او بفترة النهار  واهي كفيله انها تصحيك بوقت محدد 😴 ، 

تنضيف قفصها سهل خصوصاً مايحتاج تنظف القفص الا مره بشهر وتنظف الصحن يومياً ، والحب تزيده كل مانقص والمويه تجددها بشكل يومي برضو ، عندي فضول عشان اتعلم وصفات منزليه اسويها لها بالبيت واشاركها بالمدونه وقاعده احفظ وصفات عندي فأنشاءالله اذا تقبلتها عصافيري وحبتها رح انزلها بالمدونه .🤗

من سلبياتها ان لما اخترب نظام نومي وصرت اسهر كانت لسى على نظام تصحيني الساعه ٧ الصباح وانا كنت بموت من النوم 😵، فكنت اخرجها برا غرفتي عشان تعتقني من الازعاج وكنت اخليها بالمطبخ ، سويت هالحركة ثلاث مرات والمره رابعه مرضت 

لاحظت فيها انها صارت هاديه ونافخه رايشه طول اليوم طالع شكلها كورة ريش منتفخه ، خفت وقتها وبحثت وقريت ان اذا تغير عليها الجو من غرفة لثانيه بشكل متكرر طبيعي يجيها نزلة برد ، وكان حلها بسيط ، اني اخلي مكانها ثابت واني انقع فص ثوم مهروس مع موية شرب لمدة ٧ ساعات بعدها اعصر ليمونه واحطها بمشربيت العصفور ، واكون حارمته من المويه ٧ ساعات عشان يضمى ويشرب من منقوع الثوم يعتبر مثل مضاد ، ماتقبلوها بالبدايه بس لاحظتهم تحسنو وراحة نفخة الصدر ورجعو لنشاطهم فتطمنت ، 

بالنسبه لكيف عرفت جنس الطيور ، انا برضو بحثت ( اي شي ما اعرفه لازم ابحث عنه فبتلاحظون الكلمه تكرررت اكثر من مره ) المهم بحثت بأكثر من مصدر و اللي عرفته ان العصفور اللي يكون لون منقاره ارجواني يكون ذكر واللي لونه اوف وايت عادة يكون انثى ، وبكذا ميزة ان الطير الاصفر انثى والازرق ذكر 

هذا ملخص الاشياء من تجربتي والأشياء اللي تعلمتها من تربيتي لطيور والفتره اللي بقت فيها معي اللي هي شهر واسبوع ، 

انشاءالله تكون استفدتو ولو بشي بسيط واشوفكم بمواضيع قادمه 💕