يا مسائكم خير وهنا وحب وسعاده يارب ياكريم 🙈💜
كيفكم؟
انشاءالله تكونو بأتم الصحة والعافيه ✨
تدوينة اليوم من التدوينات اللي زمان ما كتبت عنها ما اتذكر متى كانت اخر مره كتبت فيها تدوينة تخص الطبخ والبلعه🤔 لكن مع الشتاءالواضح ان التدوينات من هالنوع بتكثر وزياده😜
( طوفولي التزيين ادري انه مش ولا بد بس كلها شهر واوصل للاحتراف 😌👏) ترقبو
عالعموم تدوينة اليوم مثل ما انتو شايفين بالعنوان رح تكون بودينق التمر ، حلى غريب عجيب اول مره اجربه
مقاديره متوفره بكل بيت
الطريقه 👩🏻🍳💖
اول شي اخذت معجون التمر اللي سويته
طبعاً للي ما سوى معجون التمر من قبل
كل اللي عليك انك تجيب تمر سكري وتشيل النوى منه وتحطه بقدر او طاوه مع شوي مويه حاره وابدا اعجنها بالملعقه لحد ما تنعجن بعدهاحطها بالطحانه او الخلاط عشان قشرة التمر تنخلط وتصير مع المعجون بقوام واحد
بعدها حطيت في الطاوه كاسة حليب 🥛
وحطيت مع الحليب المعجون التمر اللي سويته وبديت اخلط لحد ماذاب المعجون مع الحليب
وضيفو ملعقه صغيره قرفه مطحونه لكن لان ما عندي فا حطيت ملعقه صغيره هيل بدل القرفه
بعدها شلت الخليط السائل وخليته يبرد
وعلى مايبرد شغلت الفرن يحمي
بزبديه حطيت اصبع زبده ١٠٠ جرام يكون بحرارة الغرفه مو سائل ، مع كوب سكر ، واخلط
وبعدها احط بيضتين وشوية فانيلا ونرجع نخلطها
ثم اجيب خليط الحليب والتمر اللي سويته واصبه على خليط واضيف بعدها كاسه الى كاسه ونص دقيق مع ملعقة بيكنج باودر
وندهن الصينيه وندخلها للفرن ٣٠ دقيقه
وللتزين توفي جاهز مع تمر ولوز وجوز وحركات✨
وبس واستمتعو بأحلى بودينق تمر 👌😋🧡
وبكذا اكون خلصت اسرع تدوينه في الحياه😂💖 انشاءالله انكم استمتعتو واستفدتو ولو بشي بسيط واشوفكم بالتدوينات القادمه ✨
تعليقات
إرسال تعليق