مساءكم خير وحب وسعاده وكل شي حلو يارب 💕
كيفكم ؟ زمان عن المدونه لها وحشه 🥺💖
تدوينة اليوم هي وحده من تدوينات اللي من زمان وانا بخاطري اكتبها وانقلكم تجربتي وفترة تعلمي وتطويري للغتي الانجليزيه ، خاصة اني بهالمجال وتخصصي ودراستي تتمحور حول اللغه الانجليزيه 👌🏻 فا انا ما اتعلم اللغه لمجرد ملأ فراغ انا اتعلم اللغه عشان اكسب ثقافه جديده وامكانيه بأني اتكلم لغه تتخلف كلياً عن لغتي و يكون عندي امكانيه اني اتكلم مع اصحاب لغه واتواصل معهم بكل اريحيه وثقه، وزياده على هذا كله والاحلى برضو ان يكون اختصاصي بهالمجال وشهادتي تعتمد عليه ، فأنا لي اكثر من سبب عشان اتعلم اللغه وخاصةً اني داخله تخصصي عن رغبه وحب وفعلاً قاعده انجز فيه 👍💕 والحلو ان دراسته مو تنميه لنفسك دراسياً فقط بالعكس كل شي تتعلمهمن ناحية اللغه يفيدك دراسياً في شهادتك والاحلى برضو انه يضيف لك ✨
التدوينه هاذي مارح اتكلم فيها عن اشياء مثل كيف تبدأ تتعلم اللغه ومن وين تبدأ لاني تكلمت عنها في تدوينه سابقه تقدرو تشوفها لمجرد تضغطون على اللينك الموجود ورح يوديكم للتدوينه مباشرةً :
رح اركز بهالتدوينه على كورسات فادتني في فترة الحجر المنزلي 👀💜
في فترة الحجر المنزلي كان تعلمي للغه ذاتي اكثر ماكنت اتلقنه في محاظراتي ، كنت ومازلت القى تعليمي و شغلي على نفسي فعّال اكثرمن شغل المعلمه وتلقينها للمحاظره 👀 للأمانه احظر المحاظره لمجرد الحظور فقط اذا فهمت محاظرتها وفهمت شرحها كان بها واذا مافهمتارجع افهم نفسي واركز اكثر على نقاط الضعف عندي وصعوبات اللي واجهتها بالمحاظره ، فعشان كذا بتلاحظون في هالتدوينه اني مااستعنت بمدرس خصوصي يركز معي ودفعت مبالغ لحصص خاصه تناسب مستواي ، بالعكس صرت اميل اكثر للاختبارات او الكورساتالمجانيه اللي اقدر القاها في تطبيقات متوفره بالاب ستور واستعين بالقاموس عشان اعرف كل كلمه ومكانها الصحيح بالجمل 👍💖
بعدها صرت اتابع انيميشن 📺 ايه نعم انيميشن ، افلام بالتحديد ، ليش بديت فيهم ؟ لان مخارج حروفهم واضحة ونطقهم للكلمات وطريقةكلامهم مفهومة وسلسله فيسهل علي تعلمها وفهمها بدون ترجمه ومنها اعود اذني على السمع لغتهم 👂
وبرضو من الاشياء اللي ساعدتني اني بديت اعتمد اكتب في جوالي و لابتوبي لغة انجليزيه بالكامل ، وصرت اكتب جداولي وشروحاتموادي واي شي ولو كان بسيط في نوت جوالي خليته باللغه الانجليزيه 👌🏻
وبرضو مدونتي اخذت نصيب من هالتغييير وصرت انزل تدوينات بالانجلش واوسع شوي من مصطلحاتي والموضيع اللي اتكلم فيها 🌟استعنت في تطبيق وبرنامج قرامرلي عشان يساعدني في تكوين الجمل بطريقه صحيحه وسليمه 💘 ومع التصحيح وكثرت الكتابه والتعودالحمدالله صرت اكتب بتلقائيه مع اخطاء قواعديه اقل من ما كنت ، وهالشي جداً مبسوطه منه 🙈 تقدرو تلقو برنامج قرامرلي ودلينقوموجودين في الاب ستور مجاناً لو حابين تحملونهم وتستفيدون منهم جداً مفيدين ورح يساعدون كثير 🐣💜
غير كذا بديت افتح تطبيق بودكاست الموجود عندي بالايفون وبديت اغذي الجانب السمعي بشروحات ومواضيع للغه الانجليزيه ، عندكم وحدهمن القنوات اسمها بريتش كانسل 😍💘 مقاطعهم جداً جداً مفيده يتكلمون عن موضوع معين وبهالموضوع يطروحون سؤال يخص الموضوعالمطروح بحيث تجاوب عليه بطريقتك وبشكل مفصل بحيث يحسن من طريقة تحدثك للغه بشكل افضل 👌🏻
و بكذا اكون وصلت لنهاية التدوينه هالمره استعرضت الاشياء اللي فادتني بفترة الحجر واذا كان عندي طرق بديله او اشياء افادتني اكثررح اكتبها بتدوينه منفصله ✌️ وانشاءالله اكون اعطيتكم افكار من وين تبدأو وايش التطبيقات اللي بتساعدكم وتقدر تستعينو فيها لتعلماللغه ، وحطو في بالكم ضروري انكم تبذلو مجهود وتراجعو وتتدربو في فترة تعلمكم عشان توصلو للمستوى اللي تطمحون له ( اللي يبيالزين يتعب عشانه) 🌟 واتمنى تكونو استفدتو بشي ولو بسيط واشوفكم بمواضيع قادمه 💜👋
تعليقات
إرسال تعليق