صباحكم خير وهنا يارب ، كيفكم ؟ 💞
تدوينة اليوم رح تكون بداية جديده وتجربة جديده لي وهي اني اسوي البلانير الخاص فيني ، وهالفكره الصراحه ماخطرت على بالي الا بآول يوم من سنة ٢٠٢٠ 🙃 ، انا انسانه احب اكتب واللي يعرفني يعرف اني احب انظم اموري كل يوم بيومه و انسانه منظمه حياتي بالطريقه اللي تناسبني ، لكن ولا مره كنت من الناس البلانرز😟اللي يكتبون كل التفاصيل على ورق وكل المهام على ورق لآن انا اسوي هالشي لكن بنوت الجوال او بالاب ، ماكنت ابدا اشوف بالضروره اني اكتب بورقه 👀 ، ما اعرف ليش ، فيه ناس يناسبهم هالشي انا ما يناسبني ، لكن لما بديت اتابع يوتيوبر بدو يشترو بلانرز لسنه الجديده ويبدؤ يخططون لاهدافهم والعادات اللي يبغون يكتسبونها وينظمون ايامهم على ورق ، جاني حماس اني اجرب هالشي 😍 ولو كان هالشي بالبدايه مو من العادات اللي انا اسويها كل سنه بس لما شفت الناس كيف حسيت بدافع اني ابدآ معهم وانظم البلانر الخاص فيني بطريقتي وبشكل اللي يناسبني ويناسب المحتوى اللي رح اكتبه فيه 👏 ، طلبتلي بلانر من جرير وطول هالبلانر على مايوصلني وفلوسه طارت قبل توصلني الشحنه فكنسلت ☺️💔 ، قلت بنفسي كويس اني ما استلمت الشحنه ، لانه هاذي اول مره استخدم فيها بلانر واخاف اني اتعنى واشتريه واتركه بعد كم اسبوع واهمله فكنت لازم اعود نفسي على الكتابه في البدايه عشان اعرف اذا كان هالشي يناسبني ، لقيت عندي استكرات صديقتي اهدتني اياها بعيد ميلادي ، ودفتر فاضي شريته للجامعه وما ستعملته ، وبوكس هدايا موجود بنفس الدرج ، حطيت الاغراض في البوكس وحطيت معاهم اقلام حبر ورصاص والوان خشبيه وبديت اصمم البلانر من الداخل واقسم واكتب فيه الخانات اللي تتناسب معي ✍️ ، وقت اللي اقسم فيه البلانر كنت اتابع مقاطع يوتيوب للبلانرات وايش بالعاده تكون تقسيمتها من الداخل وكيف يقسمون المهام والاهداف بكل صفحه ، اخذت صوره واضحه للاشكال والتقسيمات وبديت اقسمها بطريقتي بالاشياء انا محتاجه اني اعبيها ، لانها اول تجربه احب اقولكم ان الشكل مو راضيه عنه ميه بالميه لكنه يفي بالغرض ، الغرض منه اني اتعود عليه واقيس لنفسي بهالفتره هل انا رح التزم فيه ولا لا ، وفعلا بديت اشتغل عليه ولقيت انه صار يعطي المفعول ولوبسيط ، ولهالسبب انا قاعده اكتبلكم اللحين عنه لانه فعلا بديت اخذ على الوضع وبديت افضي اللي عندي بالورق بدل ما افضيه بنوت الجوال 👌🏻 ، رح اوريكم الان التقسيم اللي سويته من داخل البلانر وبليز ترا هاذي اول مره اهندس بدفتر من الداخل فآسترو ماواجهتو 🙆♀️
زي ما انت شايفين خصصت بوكس موجود عندي للبلانر واشياءه ، اول شي الدفتر دفتر متعودين عليه الاسود المقسم تلقونه بكل مكتبات 👀 ، الصفحة الاولى هي صفحة تعريفيه عني اسمي والعام ومن هالكلام ،
الصفحه الثانيه وهي بالنسبه لي هي اهم صفحة بالبلانر اللي هي اهدافي لها السنه 🤩 ، ايش الاشياء اللي ابغى اكتسبها هالسنه ؟ الى الان قاعده اظيف لقائمة الاهداف عندي لكن حاليا كتبت ٦ اهداف فعليا ابغى احققها في سنة ٢٠٢٠ ، جاتني فكره وانا اكتب الاهداف رح اخصص قسم او لسته بقسم معين واكتب الايام اللي بديت اشتغل فعلا عليها لحد ما اوصل للهدف ومنها اشوف اللي انجزته قدامي فيعطني هالشي شعور بالراحه لاني قاعده اوصل للشي اللي انا ابغاه واشتغل عليه مو كلام قلته ووبس هو كلام قلته وقاعده اعمل فيه فبوريكم ياه صفحه صفحة لحد ما اوصله ، المهم اول هدف كتبته اعتبره هدف روحاني اللي هو اني التزم بصلاتي بوقتها واختم القرءان مرتين واني بهالسنه اتقرب الى الله بآعمالي بالطريقه الصحيحه ، اعتبرها اهم هدفين واكثر هدفين حابه اني ابدا فيها فعليا💕 ، الهدف الثالث هو اني ابغى انزل اكثر من ٣٠ بوست بالبلوق 👌🏻 ، حابه انو تكون عندي مواضيع اكثر اتكلمها عنها وتجارب اكثر اسوي عنها و ناويه اني املي يومي بآكتفيتيز عشان استمتع بالايام هالسنه اكثر واتذكر هالسنه بآشياء سويتها واستمتعت فيها 💜 واللي محمسني فعلا بآني اشاركم اهدافي اللحين هو اني بعد كل هدف احققه رح انزل تدوينه خاصه لهالشي وكيف حققته ، وهالشي رح ينفعني من ناحيتين الناحيه الاولى اني حققت اللي نفسي احققه وهدفي اني اوصله و النقطه الثانيه هي انو رح يكون عندي مواضيع اكثر وافضل انزلها بالمدونه فالهشيئين يخدمون بعض 👏💘 ، فيه هدف انا الصراحه مخبيته لنفسي ومو حابه اني اشاركه مع احد لحد ما اشتغل عليه وانهيه بعدين رح اعلن عنه 🤫 ، الهدف الخامس هو اني احسن من علاقاتي مع اهلي واصحابي ، طبيعي زي اي انسان يمر بمشاكل ومواقف مع اهله او اصحابه انا مريت وحسيت هالمواقف اثرت فيني وفي علاقتي معهم وهالشي خطآ ، فآنشاء الله اقدر اكون بهالسنه افضل من ناحية العلاقات مع الناس اللي حولي من السنه اللي فاتت ، الهدف السادس هو اقرآ ١٠ كتب لهالسنه ، يمكن غيري يشوف انه اوه ١٠ كتب مرره قليله بيمديك تخلصين اكثر في سنه 😬 ، وانا عارفه هالشي لكن انا زمان ماقرآت مره زمان اخر مره قرآت فيها كانت لما كنت بثاني ثنوي عام ٢٠١٨ ! بعدها لما صرت ثالث ثنوي ركزت على دراستي اكثر وركزت على الدراسه الجامعه وايش التخصص اللي ابغاه وقعدت اشتغل عليه وعشان هالشي حرمت نفسي من اشياء اللي تلهيني عن الدراسه ، لكن هالسنه ناويه وبقوه اني ابدا اقرا ومتحمسه جدا حفظت عندي كم كتاب اقراه والان بديت بكتاب مارح اذكر ايش هو لاني رح انزل عنه قريب مع مجموعة الكتب اللي قرآتها ،👍
طيب الصفحه اللي بعدها هي صفحة رموز ، هالرموز استخدمها لما ابدآ اكتب المهام اللي حابه اني اسويها كل يوم ، كل نقطه لها رمز معين يختصر الكلام الطويل والكتابات المفصله يصير لما اشوف هالرمز معناته لازم اسوي كذا مثلاً اذا ابغا اقرآ كتاب في يوم الاثنين احط في اليوم الاثنين دائره زرقاء 🔵 يصير لما افتح البلانر علي هاليوم واشوف دائره زرقاء اعرف اني لازم اقرء ، اما الدائره الخظراء 🟢 استخدمها في الايام اللي المفروض اسدد فيه فواتير زي النت و اشتراك ب نتفليكس اخصص من فلوسي للجامعه ويكون هادائره في الايام اللي مفروض اني ادفع حقها واوفر فيها بحيث اكتب تقسيمي في اليوم الفلاني من الشهر ،🟦 المربع الزرق استخدمه لتنظيف الغرفه والحمام تكرمون يعني الجناح حقي ،🟥 المربع الاحمر اذا كنت ابي اكتب بوست جديد بالبلوق ،⚫️ الدائره السوداء احطها في الايام اللي يحتاج اني اذاكر فيها او اجهز لامتحان ، 👀 النجمه الخظراء احطها بالايام اللي بستلم شحناتي وطلبياتي من ارامكس ، النجمه الحمراء هي مرتبطه بالهدف الرابع اللي قلتلكم اني قاعده اشتغل عليه ، النجمه السوداء اذا كنت بسوي تمارين بالهاليوم طبعا انا مو من الناس اللي ملتزمه بالتمارين الصراحه بس حابه اني اجرب رياضات مثل الركض المشي نط الحبل الرياضات الكارديو بشكل عام بخاطري ابدآ فيها لاني دايم ااجل بس قلت بنفسي خلاص لازم ابدا 🏃♂️ ، المثلث الازرق لغسيل الملابس والكوي ، المثلث الاخضر هو الوقت اللي استرخي واخذلي بريك من الشغل ، وبس هاذي هي العلامات او الرموز اللي استخدمه لتخطيط الاسبوعي واليومي 🙆♀️
بالصفحه اللي بعدها كتبت التواريخ بالميلادي من ١الى ١٢ ورسمت جنب كل واحد مربع بحيث اذا فعلا التزمت باللي كتبته هالشهر ومشيت عليه وانجزت الاشياء اللي ابغى انجزها بكل اسبوع رح احط صح جنب الشهر ✔️ بين ما لو في شهر انجزت نص الاشياء المكتوبه رح احط علامة ➖ ، واذا ما انجزت ولاشي بهالشهر رح احط ❌ وبكذا اكون شفت اذا انا فعلا انجزت ولا لا .
الصفحه اللي بعدها خصصتها لمدخراتي الماليه لكل شهر من ١ الى١٢ ، بكل شهر ادخرت فيه فلوس رح اكتب في الخانه الفلوس اللي ادخرتها 💸 ، بالصفحه اللي جنبها كتبت اقتباس احبه ورح تلاحظون ان فيه صفحات دخلت فيه اقتباسات عشان تعطي روح للبلانر وتعبر عني اكثر لانها اقتباسات احبها من سنين 🧸
والان انا كتبت اوريدي الشي اللي كتبته واحس انه يلبي احتياجاتي ومنظم اموري مازلت قاعده اعدل على الشكل من الداخل قدر الامكان لان الوضع خرج عن سيطرتي بالبدايه وكمان مخططه اني ازيد اقسام ثانيه غير اللي انا حاطتها وكاتبتها اللحين ، وقاعده اتابع يوتيوبرز واشوف كيف نظمو بلانراتهم وايش كتبو فيها والاشياء اللي بتعجبني رح ارجع اظيفه للبلانر حقي 👌🏻
*انشاء الله تكونون استمتعو بتدوينة زي ما انا استمتعت بكتبتها واستفدتو ولو بشي بسيط واشوفكم بتدوينات قادمه 💘
تعليقات
إرسال تعليق