يا مساء الخير والسعادة والهنا كيفكم ؟ وحشتوني 💘
تدوينة اليوم غير شكل 💁🏻♀️
اللي يعرفني وهالشي ذكرته بالتدوينات السابقه يعرف اني ادرس تخصص لغه انجليزيه، ولأني باأول مستوى فهالمستوى يعتبر تأسيس للغه الانجليزيه ، من ناحية القراءه والكتابه و التحدث ، كل جزء من الثلاث الاجزاء يدعم الثاني ويطوره ، الحمدالله عن نفسي راضيه عن مستواي وعن علاماتي ومطوره نفسي من ناحية اللغه ومازلت اطور هالجانب فيني خاصة انه مجال دراستي ، بداية وقبل ما ابدأ بطرق ساعدتني على تحسين لغتي رح اذكر نقطه مهمه :
مهما كان نوع اللغه اللي تبغون تكتسبونه سواء كانت لغه انجليزيه او غيرها ، سواء كنتم في هالمجال ولا لأ ، لا تتعاملون مع الموضوع على انه شي ألزامي ولازم افهمه واحفظه وانتهى زي اي ماده ثانيه ، مهما كانت اللغه اللي ترغب في اكتسابها حط في بالك انت تعطي نفسك وتضيف لنفسك ثقافه ، ثقافة انك تتعامل مع اشخاص بغير لغتك وتفتحلك مجالات اوسع ، شي يضيفلك انت قبل لا يضيف لشهادتك ولدراستك تعامل مع الاشياء اللي ترغب في اكتسابها بروح حلوه وبحب .
عشان يكون تعلمها اسهل وامتع 👏🌸
بداية رح اتكلم عن رحلتي في تعلم اللغه الانجليزيه بعدها رح ابدأ اتكلم عن التطبيقات اللي ساعدتني 👀💕
من دخلت لقسمي وانا اوردي متأسسه باللغه وماكنت محتاجه تأسيس ، ف كنت احاول ب هالمستوى اني اكتسب مصطلحات اكثر اقدر استخدمها في التحدث ، و كنت ادور اي طريقه تساعدني اني اتكلم بطلاقه بدون تأتأه وبدون ما اخذ وقت اكبر في تكوين الكلام ، وكانت هاذي المشكله اللي واجهتني في فترة تعلمي للغه 🙆♀️
كنت اخذ بنصائح وتجارب الناس اللي اتقنت اللغه بعين الاعتبار ، كثير سمعت ان متابعة الافلام او المسلسلات بدون ترجمه تساعد على فهم المصطلحات ونطقها بشكل احسن ، فيه بعض الناس مشت معهم ذي الطريقه ونفعتهم كثير وافادتهم ، لكن عني انا .... ابداً ما استفدت منها ، اتنرفز لم اسمع كلام مو فاهمه منه شي 😂 احس ان جهدي لتعلم اللغه ذهب هباءً منثورا ☹️💔وارجع الاحظ نفسي كمستوى متوسط افضل بكثير لكن انا سمحت لنفسي اسمع نقاشات و اقرا مقالات مو من مستوى انجليزيتي المتوسطه فكنت اتحبط وهالشي غلط ،مو كل تجربه او طريقه دعمت او ساعدت شخص في تطوير لغته معناتها رح تساعدك انت كمان ، اللغه الانجليزيه حولينا ، بالأعلانات بالأغاني بالمسلسلات بالأفلام ، لو كلمه وحده مافهمتها اكتبه عندك بالملاحظات وترجمها ، خل عندك بالملاحظات خانه تحفظ فيها لو كلمه كلمتين تعلمتها اليوم ، وجرب تستخدمها لما تتكلم مع موظف او دكتور او حتى صديق رح تكتشف بنهاية الاسبوع انك صار عندك مخزون كبير من الكلمات تقدر تستخدمها وتترجمها ، اذا كنت مبتدئ او مستواك متوسط وجربت تتابع فيلم او حلقه من مسلسل بدون ترجمه ومانفعت معك ، شغل ترجمه بالانجليزي ، يعني يصير تسمع وتقرى ترجمه باللغه الانجليزيه وهالشي يدعم ثلاث اشياء يدعمك من ناحية تعلم كتابة الكلمات بحيث تعرف شكل الكلمه وكتابها ، ومن ناحية القراءه من خلال انك تشوف شكل الكلمه وطريقة نطقها ، ومن ناحية التحدث انك تحفظ الكلمات الجديده وتجرب استخدامها ونطقها 💁🏻♀️
نفس الحكايه لو بتسمعون اغنيه بلغة انجليزيه اسمعوها lyrics بحيث كلمات الاغنيه تكون مكتوبه
هاذي بختصار تجربتي وطرق ساعدتني بتعلم اللغه انجليزيه ، لو جربتو طريقه منها او جربتو طرق ثانيه ونفعت معكم اكتبوها لنا تحت
نفيدونستفيد 👏
واللحين نبدأ بتطبيق telmie ❤️
تجربتي مع التطبيقات تعلم اللغه الانجليزيه ماكانت سيئه بالعكس استفدت منها ولو كانت الاستفاده بسيطه ، لكن اكثر التطبيقات كانت للمبتدئين اكثر 👀 فكنت من ناحية القراءه والكتابه وتكوين الكلمات مستواي كويس وراضيه منه لكن مستواي بالتحدث ماكان عاجبني ،كنت اتأتأ كثير اتكلم ببطئ ، ماكان عندي طلاقه بالكلام كنت اخذ ثواني لتكوين الكلمه ما عندي سرعة وهالشي كان بخاطري انه يتحسن واشتغلت على نفسي عشان احسنه ، فكنت ادور على برامج تساعدني اني اتحدث بشكل افضل واحسن من نفسي من هالناحيه فشفت اعلان تطبيق تيلمي بالأنستقرام ، وقتها حملت البرنامج وانبسطت مررره عليه 😍 اكثر تطبيق فادني مقارنةً بباقي التطبيقات اللي استخدمتها من قبل 🙆♀️ ورح اذكرلكم طريقة استخدامه وايش الشي رح تستفيدون منه اذا استخدمتو التطبيق 💁🏻♀️
اول ماتحملون التطبيق وتفتحونه رح تطلعلكم قائمة فيها جميع المدربين والمعلمين واقسامهم ، على حسب مستوى الانجليزيه وعلى حسب الموضوع اللي حابين تتكلمون عنه سواء كان عندكم مقابلة عمل ومحتاجين تهيئون نفسكم لها او انكم تتدربون وتتكلمون عن اي شي بشكل عام ورح تلقون مدرب او معلم مأهل انه يساعدكم من هالناحيه ، اكثر المدربين الموجودين بالتطبيق بريطانيين وهالشي حلو 👏
لما تختارون المدرب اللي حابين انكم تتكلمون معه ، اول ماتختارونه رح يطلعلكم ثلاث خيارات ، الخيار الاول وهو اظافه المدرب لخانة المفضله، والخانه الثانيه وهي الشات لو حابين ترسلون اي شي له ، والثالث اللي هو اجراء مكالمه هاتفيه ، وتحتها تلقو معلومات شخصيه عن المدرب، اذا اجريتو مكالمه وكنتو متخوفين انكم تغلطون بنطق كلمه او اي شي ، قولو لهم بالبدايه انكم تتدربون وانه اذا فيه اي خطئ بالكلام
اوبالقواعد ينبهونكم لانه تدريب والخطأ وارد 🙆♀️💘
وهالشي حلو 🧸✨
والشي الأحلى والأحلى والأهم 💕 انكم مو مظطرين تدفعون اشتراك شهري مثل باقي التطبيقات ، تدفعون حق المكالمه فقط ، ومن شخص لثاني قيمة المكالمه تختلف لكن مو باوند اقل طبعاً ، طبعاً عشان تجرون مكالمه لازم يكون الكارد عندكم متعبي ، كيف تعبونه ؟
تعبون البيانات الفيزا حقتكم ، ومن خلالها تعبون الكارد حقكم وتدفعون حق المكالمه 🙆♀️
وبكذا يكون تكلمت عن تجربتي بشكل كامل ومبسط ولأني جربت كثير تطبيقات لتعلم اللغه الانجليزيه فا مخططه انزل تدوينات اكثر عن هالموضوع وتفيد المبتدئين بالذات لاني احس التطيبقات اللي كنت استخدمها افادتني بديت استخدم وادور واحمل برامج لغه من اجازة الصيفيه قبل ثلاث سنين وبكل اجازه صيفيه اجرب برنامج جديد 💁🏻♀️
وبكذا اكون وصلت لنهاية التدوينه انشاءالله تكونو استمتعو ولو بشي بسيط واشوفكم بتدوينات قادمه 🧸
تعليقات
إرسال تعليق