يا مساء السعاده والسرور ، كيفكم شتقت للتدوين كآن صارلي دهر ما نزلت بالمدونه، وحشتني المدونه :(
بهالفتره دخلت بدوامة الامتحانت والدراسه خذت وقتي كله ، وقصرت كثير من ناحية التدوين ومن ناحية هواياتي، وهالشي الصراحه مضايقني ، انا من النوع اللي احب انوع وما اقصر على نفسي بآي شي حتى لو هوايه ممكن تغير من مزاجي و اكتسب من خلالها مهاره ، سواء كانت رسم او كتابه او تصوير او غيرها ، احب الدراسه لكن ما يمنع اني رح اخصص لي يوم بلآسبوع انزل فيه تدوينه ، واحس ان يوم الخميس هو افضل يوم لانه بداية ويكند واكثر الناس يكون الخميس لهم فترة نقاهه وانا منهم ، فا رح انزل كل خميس تدوينه وعلى مدار الاسبوع اكون جهزت فكره لتدوينه قادمه ، صايره هالفتره مدمنه للآونلاين شوبينق فبتلاحظون ان تدوينات المشتريات صارت اكثر على مدونتي … انشاء الله تستمتعون فيها زيي ما انا استمتع بكتابتها <؟
وعشان ما اطول عليكم نبدآ بطلبية اليوم ..
الطلبيه ما اقدر اقول انها عنايه ولا اقول عنها ميكب تعتبر تقشفات الميكب والعنايه ، وصراحه اشوفها تقشفات لذيذه :)
هاذي اول مره اطلب من موقع نايس ون ما سبق وطلبت منه ، وكانت تجربه موفقه
طلبتها يوم ٤ من شهر اكتوبر ووصلتني يوم ٨ او ٩ يعني تقريبا اخذت من اربع الى خمس ايام فقط ، وهاذي كانت اسرع طلبيه استلمها دائما تاخذ طلبياتي اسبوعين لحد ماتوصل وهاذا اكثر شي عجبني بالموقع ان توصيلهم سريع وهاذي النقطه حلوه
وصلني الباكيج وبداخله اوراق تثبت المنتجات وماتخليها تتحرك وهاذي برضو نقطه حلوه :)
واللحين خل نبدآ بآول منتج اخذته :
اول جهاز رح اتكلم عنه هو هذا الجهاز لتنظيف الوجه من سونيتا ،كان اكثر شي متحمسلته من الطلبيه ،
مع الجامعه والمكياج اليومي اللي احطه والحر احتاج اني انظف بشرتي بشكل اعمق ، عشان كذا اشتريت جهاز بشعيرات السيلكون اولا لان السيلكون مايتراكم عليه اي جراثيم او بكتيريا وغير كذا ينظف من قلب ولاحظت النتيجه على بشرتي ، طبعا اهو يجي معه راس ثاني خارجي ماستخدمته الى الان لكن رح استخدمه واشوف الفرق بين الفرشتين ، عيبه انه يشتغل على بطاريه ، يعني حساس اتجاه المويه ولو غطستيه بالمويه مارح يشتغل معك ، على عكس اذا كان من النوع اللي ينشحن عادة يكون ضد المويه لكن هذا لا فا انا ما ركبت بطاريه له بلاها والخراب خليته استخدم يدوي ونفع معي
اشتريته اتوقع ٨٣
المعروف لايعرف اخذت غسول الجل من نيفيا هذا الغسول استعمله من اول ثنوي ومهما اشتريت مقشرات وغسولات ارجعله ، انا زمان كنت اشتري غسول جل لطيف و الغسول الثاني يكون فيه تقشير خفيف واستخدمه مره بلآسبوع كتنظيف عميق وباقي الاسبوع استغدم جل نيفيا لكن لما اشتريت جهاز تنظيف الوجه شلت المقشر الوجه من روتيني اكتفيت فيه كتنظيف عميق بدل المقشر استخدم الجل مع الجهاز واذا بستخدم الغسول بدون الجهاز رح يكون تنظيف لطيف ، (كم مره قلت تنظيف) المهم بشرتي تعودت عليه وانا بشرتي من النوع الجافه الى العاديه وحيل ناسبني
اخذته ب ٢٨ ريال
اكثر شي كنت متحمستله بالطلبية هي هاذي المسكره ، الريفيوز عليها عالي وغير كذا استخدمتها مره وطحت بغرامها صدق :)
استخدمت المسكرا من وحده البنات بحمامات الجامعه كنت ناسيه مسكرتي واستخدمتها منها ، لما جربتها عطت رموشي طول ونتيجتها خيالي واول شي قلت رح ادخله بالسله ورح اطلبه هي هاذي المسكره و فعلا اخذت بدل الوحده ثنتين ، تفرق الرموش وماتكتل وفرشتها مو من النوع اللي تاخذ كميه كبيره من الماده اللي داخلها بالعكس ، مره حبيتها ورح اعتمدها بكل مره اطلب فيها مسكره ، والاحلى ان سعرها جدا مناسب ،ومنتجات essence
اسعارهم بمتناول الجميع
اخذت الحبه ب٢٢ ريال
واخيرا وليس اخرا اخذت هذا الكونسيلر من revolution
خلص الكونسيلر اللي عندي طبعا كنت استخدم كونسيلر من ميكب فوريفر اللي تجي مجموعه كوركتر وكنسيلر مع بعض ، فكنت استخدم الكوريكتر مع الكونسيلر ويعطيني تغطيه متوسطه ، صرت استخدم كوريكتر مع الكونسيلر لان انا عيوني غايره ومعطيه ضل لعيوني فكنت احتاج شي يغطي من اللون اللي تحت عيوني واستخدمته لمدة سنتين والان يلفظ انفاسه الاخيره فاخذت كونسيلر بداله ، اول مره اطلب كونسيلر اونلاين وما اكون مجربته ، عادة الكونسيلر والبيبي الكريم وفاونديشن دائما يكون افضل لو مجربين الشيد في محل بحيث نختار اللون اللي يناسب درجتنا لكن هالمره جازفت وطلبت اغمق كونسيلر من ريفلشين ، مافيه شايدز كثير بس فيه ثلاث درجات وانا اخذت الثلاثه رقم c12
اول ما جربته تغطيته متوسطه تناسب للدوام ، لونه مناسب لكن حسيته رايح على البينك ، طبعا مافي شي يروح خساره
خلطت الكونسيلر مع نقطة بيبي كريم اللي استخدمه ودمجته وعطاني اللون المناسب لبشرتي وتغطيته زي ماقلت مناسبه للدوام
اخذته ب٤٩ ريال
بكذا نكون وصلنا لنهاية التدوينه اتمنى تكونون استمتعو واستفدتو ولو بشي بسيط واشوفكم في تدوينات قادمه *
تعليقات
إرسال تعليق