يامساءالخير والسعاده 💁🏻♀️💕 ، كيفكم ؟ انشاءالله تكونو بخير 💜
اليوم التدوينه بتكون من الوصفات اللي ادمنتها هالفتره 😍👌🏻 وصفه سريعه ماتخذ وقت ابداً وتشبع من قلب عاد مع ببسي يمي 😩❤️
خاصةً اعتمدتها مع دوام الجامعه لانها مايحتاج لها وقت في تحضيرها
الوجبه هاذي تقدم مع صلصات جانبيه لك حرية اختيار نوع الصلصة سواء كانت رانش او غيرها ، انا مررره احب المايونيز واحب اكله معاه ، الوصفه المعروفه اللي عادةً نشوفها بالمطاعم انها تكون اصابع البطاطس ويكون فوقها حشوة اللحم مع الاجبان لكن انا هالمره خليتها على طريقتي بطاطس مسلوقه مع حشوة الدجاج الذ وتشبع اكثر وكمان احب اكل البطاطس المسلوق وخاصة مع قشرته 👌🏻☺️
على العموم نبدأ بالوصفه
المقادير :
بطاطس على العدد اللي يكفيك
بصل وثوم وفلفل حار
دجاج مفروم - اذا ما تحبين الدجاج المفروم الجاهز استخدمي صدر دجاج مفروم
ملح وبهارات
جبن موزيريلا
الطريقه :
اول شي اخلي البطاطس ينسلق على نار هاديه وفي هالوقت اروح اخذ شاور وامسح مكياجي واغسل وجهي وارتب غرفتي وغيرها من الاشغال لحد ما تنسلق 👀👌🏻
بعدها في تاوه مع زيت اشوح البصل المقطع مع الثوم والفلفل الحار
بعدها احط الدجاج المفروم وابدا احركه شوي واخليه ينضج
بعد ما ينضج ومارح ياخذ وقت كثير لانه مفروم والدجاج مقطع قطع صغيره ، فأضيف شوي مويه واحط ملح وبهارات مشكله واذا تحبون تحطون نوع بهارات تفضلونه حطوه ،
بعدها اغطيه عشان يتسبك 👏
وبالنهايه اجيب البطاطس اللي سلقتها واقسمها من النص بالطول ، احط بداخل البطاطس شوي موزيريلا لا تكثرون لان بنحط طبقه ثانيه ، واحط الدجاج فوق البطاطس و بعدها احط موزيرلا وهنا عاد تبون تكثرون تقللون على حسب حبكم للجبن طبعا انا اكثر منه 😛
ونحطه بالميكرويف لمدة دقيقه 👀☝️
ومطرح مايسري يمري 💁🏻♀️ وبكذا تكونون سويتو الذ بطاطس بالدجاج 😍💅🏻
اتمنى تكون الوصفه اعجبتكم ، وبكذا نكون وصلنا نهاية التدوينه اتمنى انكم استفدتو بشي ولو بسيط واشوفكم بتدوينات قادمه 👋
تعليقات
إرسال تعليق