صباحكم خير وسعاده وهناء يارب 💕 كيفكم ؟
اليوم وانا قاعده اكتب التدوينه هاذي وصلت المشاهدات عندي في البلوق ل ٦ ألاف مشاهده 💁🏻♀️✨
ماتتخيلون شقد انبسطت على هالخبر ، شكراً شكراً من قلب على دعمكم تواجدكم الدائم والمستمر 😭💜فعلاً جداً جداً سعيده بعدد المشاهدات اللي وصلت له في مدونتي ، وانشاءالله لنهاية السنه نوصل ١٠ الاف مشاهده وزود 🙊💘
ولأني وصلت ل ٦ ألاف مشاهده استاهل اني اكافئ نفسي بهديه مرتبه حلوه ، ترقبو ☺️👌🏻
المهم تدوينة اليوم نفس ماقلت بتدوينه سابقه رح تكون مشترياتي من ماكس 😍💜
اخر مره دخلت محل ماكس كان قبل سنتين او ثلاث سنين مررره زمان لما نزلتله ، حالياً في الفتره اللي بدا يطلع وينشهر موقع ماكس وصار الكل يتكلم عنه وكثير مشاهير سوو تغطيات لمحلاتهم ، نزلت للمحل بمجمع رويال ، ولقيت عندهم قطع 😍💔 من قبل كم سنه ماكنت احبه لانه دائماً تكون قطعهم ساده ومره عاديه يعني مو على عمري ومو شي يسوى اني اشتري منه صراحةً لكن الأن لما نزلتله لاحظت فيه تحسن بالقطع وصارو ينزلون اشياء ترند اكثر والاشياءالحلوه اللي تلقوها بموقع عندهم تلقوها بمحلهم وبنفس السعر ، غير كذا قسم السبورت وقسم بجامات شي يموت 🔥 و برأيي اشوف انه بالواقع تطلع القطع احلى بكثير من شكلها بالموقع👍 فاليوم بوريكم قطع اشتريتها منهم بأسعار خياليه وجوده القطع وخامتها شي فنان من الأخر 👏💕 و عشان ما اطول عليكم نبدأ بالقطع
تنويه :
التصوير مو راضيه عنه ميه بالميه الصراحه ، انشاءالله بالأيام الجايه والتدوينات الجايه اكون حسنت من طريقة تصويري والاضاءه وموقع التصوير لان الاناره مره مو حلوه وهي على سريري لكن بحلها انشاءالله واصورلكم اشياء رح استخدمها في تعديل على مكان تصوير واكيد رح يكون مكان مو على سرير 👀👍
ويلا نبدأ 👏
هاذي القطعه مره حابتها ⭐️ اول شي لأن خامتها خفيفه مره وحلوه ، مع انه طالع شكله شتوي يعني اي احد يشوفها بتصوير او بالحقيقه عباله صوف لكنها مو شتويه ابداً بالعكس خفيفه ، وغير كذا الكرستالات اللي عليها مررره كيوت😍 ، في منها لون اصفر ولون كحلي او اخضر غامق ما لقطت لون لكن اغمق منه 😂 لبست البلوزه هاذي بأول يوم لي جامعه واللي قرأ تدوينتي السابقه بيكون عارف هالشي👀 اخذت اكبر من مقاسي ميديم عشان يطلع فيه نَفس و واسع حلاته يكون بهالشكل احس بدل ما يكون على مقاس بالزبط 😬
اخذتها ٦٧ ريال ❤️
هذا البلوفر برضو نار وعجبني مرره 💕 طالع على الهبه الصور المطبوع مع تداخلات الوان معطيه حلاوه للبلوفر 🙊💘 على العموم
البلوفر مو قطني احسه بوليستر اكثر مريح وناعم واسع وحبيته مررره 👏 توفقت هالمره بالمشتريات و مقاساتي فيها مزبوطه الحمدالله معدا قطعه😬 لكن الباقي فنانه 👌🏻 التدوينه بيكون تعبيري للقطع * فنان عاد هالوصف معبر 😂
على العموم اخذته مقاس ميديم عشان يكون كبير علي وسعره ب ٥٧ ريال يابلاش 🔥
دائماً بكل مره اشتري فيها من موقع او حتى لما انزل لمجمع اشتري ملابس احط في بالي اني انوع ، يعني اخذ سبورت وكاجول ورسمي وغيرها ، واني ما ألتزم او اعتمد على ستايل واحد فقط ، ف بتلاحظون اكثر من ستايل 👀 ، هالمره اخذت شي ناعم مرتب وبسيط قميص ابيض شفاف مرره مرره حلو وخاصةً مع دوام الجامعه لو تبغين شي تلبسينه مرتب وسريع فهالقميص يساعد اخذته مع بودي ابيض داخلي وطلع مرتب صدق 👌🏻💕 عجبني 💜 اخذته ب ٥٠ ريال مقاس مو مكتوب اذا سمول وميديم لكن مكتوب اليو كا ٢٠
هاذي البوديات اخذتها عشان تنفعني في الملابس اللي تكون مفتوحه من الصدر او تكون قمصان شفافه زي القميص اللي قبل 👀 فيعتبر استثمار في درجي وواضح اني رح اكرفه كرف 😂👏 وسعرها مارح تتخيلون ، الواحد ب ١٢ ريال بس 😍💔 واخذت اسود وابيض مقاس ١٠ سمول
هذا الجاكيت هو القطعه الوحيده اللي حسيت مقاسه صغير نوعاً ما ودائماً اطيح بها الشي في سنتر بوينت وماكس ، المفروض في الجاكيتات الرسميه او حتى السبورت اخذها اكبر مقاسي بحبه يعني ميديم لكن اخذت هذا الجاكيت على مقاسي سمول وجا على مقاس بالزبط ، احس لو اخذت اكبر كان احسن يكون فيه نفس اكثر لكن يبقى حلو وقطعه مرره فنانتسك 👍❤️ لون اللي فيها كحلي واحمر واسود وابيض 👀 حبيتها مره اخذتها ب ٨٧ ريال
هذا البلوفر مره كيوت 😍💔 اخذته الصراحه لانه نمر وردي احب هالشخصيه😂💕 كنت محتاره بينه وبين تيشرت لنمر وردي لكن في نهايه تميت على هالبلوفر 👀👌🏻 مو متأكده من مقاس لاني رميت التاق لكن اتوقع اخذت مقاس ميديم او لارج 👀 اخذته ٦٢ ريال
من مشترياتي من شي آن اخذتلي شوزين سبورت وشوز فلات ، وكنت حاطه في بالي ثنين سبورت وثنين فلات ، وفعلاً هذا اللي سويته اخذت فلات اسود من ماكس ومرره ساعدني في تنسيق ملابسي لان ستايله بيسك مرره حلو 👌🏻💘 اتوقع اني اخذته ب ٦٤ شي زي كذا مو متأكده
واخر شي اخذته هو طوق للشعر على طبعة جلد نمر 😍 مره حبيته وطالع مره حلو نسقته مع القميص الابيض 👌🏻💕 اخذته ب١٢ ريال
وبكذا نكون وصلنا لنهاية التدوينه انشاءالله تكونون استمعتو واستفدتو ولو بشي بسيط واشوفكم بتدوينات قادمه *
تعليقات
إرسال تعليق