مساءكم سعادة وهنا يارب كيفكم ؟
تدوينة اليوم رح تكون من ضمن سلسلة تدوينات اللي نزلتها من قبل و اللي تتكلم عن تجربتي مع اكثر من موقع واذا كانت القطع تسوى ولا ماتسوى !
في اخر تدوينه نزلتها كانت عن القطع اشتريتها من موقع نمشي لكن هالمره رح تكون التدوينة غير
رح تكون التدوينه فقط مخصصه عن شوزات اشتريتها من موقع شي ان وهل كانت اختياراتي موفقه فيها ولا لآ
كنت ناويه تكون عن قطع اشتريتها بشكل عام من هالموقع لكن لو بصور كل مشترياتي من شي ان
صدقوني مارح اخلص :)
فعشان هالشي غطيت على كل الشوزات اللي شتريتها منهم فقط ، وانشاء الله بتدوينات الجايه رح انزل الاقسام المتبقيه من مشترياتي
تحت كل قطعه رح اذكر المقاس اللي انا اشتريته اذا كان نفس المقاس او اكبر من مقاسي لان زي ماتعرفون شي ان من قطعه لثانيه تختلف المقاسات عندهم
وعشان ما اطول عليكم يله نبدآ :
اول شوز رح اتكلم عنه هو هذا الشوز الفلات او الشبشب ، هذا اول فلات اشترييه واول شوز بنفس هالقصه يدخل بدولابي
اللي يعرفني يعرف اني ما احب البس اي شوز مفتوح من قدام ، لمنظر شفته لما كنت صغيره وارتبط بشعور مو حلو لما البسه ، اتذكر مره لما كنت طالعه شفت وحده بسوق ماره لابسه شوز مفتوح من قدام ورجلها الله لا يوريكم غبار الشارع كله مغطي رجلها ، فربطت الشي اللي شفته ان لو لبست شوز مفتوح من قدام رح تتوسخ رجلي ، ،كل ما اشوف هالقصه اخاف اني انزل بمول او مكان وتتغبر رجلي ما ادري شعور احس فيه ، المهم
لما جيت اطلب ملابس للبيت قلت ليش ما اخذلي شوز مريح ومرتب للبيت وجا في بالي اني اطلب شوز مفتوح من قدام
وفعلا طلبته ، الشوز هذا مرره حلوه ومرره خفيف وغير نظرتي تمام للشوزات اللي بنفس هالقصه ، هالشوز مو من النوع اللي يزلق من الرجل بالعكس خاصة انه قماش من فوق فاللي يعانون من نفس مشكلتي اللي هي تعرق القدمين ما رح يواجهون مشكله ان الشوز يتحرك او شي وهذا اللي حبيته فيه
طلبته بشهر يوليو قبل شهرين تقريبا
شكله بالواقع نفس شكله بالصور ، واخذت نفس مقاسي ٣٨ وطلع مزبوط
ونفس ماذكرت بتدوينه السابقه انه هو مرره فلات قريب للارض لكن ماحسيت انه مشكله ابدا بالعكس
اشتريته ب ٣٨ ريال بس ، توفقت فيها
رابط القطعه :
اما الشوز الثاني اعشقه عشق يحلي الرجل بشكل ويرزها ، اول ماوصلني صارت عيوني قلوب
فعلا انيق انيق انيق من هنا لبكره وانا اقول انيق ، الشي اللي تخوفت منه انه يكون الجلد قاسي على رجلي ويجرحها لكن لما لبستها في طلعت السوق وبدوام كانت لامه رجلي وبالعكس ما حسيت فيها ابدا ، وكان شكلها بالواقع نفس الصور واحلى
اخذت مقاسي ٣٨ وطلع على مقاس فخذو مقاسكم اشتريته ٦١ ريال
مليون توفقت فيه
رابط شراء القطعه :
الشوز الثالث هو فلات برضو ، اخذته للجامعه ان لو ما مالي خلق البس سبورت البسه ، وفعلا اول ما وصلني طلع خيال
ونفس الصور بالزبط ، وطالع ذرب بالبس خاصة مع العبايه شي خيال ، لما لبسته بالجامعه كان مريح ورجلي تتنفس والشي بوينت حلو بس اللي مو حلو وزي ماذكرت قبل انو رجلي تعرق والشوز صار بدل ما يكون مريح صار يتزحلق بسبب ان من داخل جلد ناعم ولامع وكان هالشي مضايقني ومو مريحني الصراحه ، لكن بطلعات العاديه غير الدوام بالعكس حسيته حلو وماتتعرضت للمشكله لاني ما اكون لابسه لفترة طويله فماكانت تعرق رجلي عكس الدوام ، ما اقدر اقول انه موحلو لكن اقدر اقول انه مانسبني للدوام لكن كا نوعية الجلد تعيش والقصه تناسب اكثر القطع اللي بدرجي فكانت بالنسبه لي مريحه في التنسيق
اخذتها اصغر من مقاسي ٣٧ وطلعت مزبوطه فخذو اصغر من سايزكم بدرجه واشتريته ب٥١ ريال
متردده اذا توفقت فيها او لا بس بقول شبه توفقت فيها
رابط القطعه :
واللحين بعد ما خلصنا شوزات الفلات نبدآ بالسبورت
هذاالشوز طلبت الشهر اللي فات ، انا طلبت قبل سنتين شوز ابيض من شي ان وكرفته كرف وفعلا بعد ماشتريت تحمست ، اطلب شوزات سبورت اكثر من شي ان ، وفعلا طلبت هالشوز للجامعه اول مالبسته ما تصدقون قد ايش مريح وكان على المقاس وفيه نَفس ، بعد ما كرفت شوز الابيض القديم قررت اشتري واحد جديد ، دائما اسثمري بشوز الابيض بدرجك وانا افضل ان يكون جلد اسهل في التنظيف من القماش و بياضه مايخف نفس القماش ، واذا بتشترين شوز جلد تآكدي يكون الشرابات او الجوارب تكون قطنيه عشان ماتسببلك جروح نفس ما سببتلي ، فهالشوز كان مريح للجامعه ويناسب جميع الملابس اللي بدرجي وما حسيته قيدني بلون معين بالعكس ،اخذت مقاس٣٩ اكبر من مقاسي بدرجه
توفقت فيها
اخذته ب٤١ ريال
رابط القطعه :
هذا الشوز وقعت بغرامه اول ما شفته بالموقع و واقعت بغرامه زياده لما شفته بالواقع ، اول ماشفته طرا على بالي مليون تنسيق وحسيت اني لو اشتريته رح يلبق مع كثير الوان بدرجي وخاصة ان الالوان المكرره عندي لون احمر واسود وابيض نفس الالوان اللي بالشوز ، نوعية الجلد نفس الشوز اللي قبل لكن الخطين الاسود والاحمر قماش ، مرره حبيته ، اول ما وصلني وجربته كان ماسك تكه لكن مع المشي وكثرت اللبس اخذ شكل الرجل ، اخذت مقاس ٣٨ مقاسي
توفقت فيه
واشتريته ب٥٩ ريال
رابط شراء القطعه ك
وبكذا نكون وصلنا لنهاية التدوينه ، واحب اقول ان تجربتي في شوزات مع شي آن كانت جداً موفقه وكل الشوزات اللي طلبتها مطابقه للصور بالزبط ، ومن شوز للثاني يختلف مقاسات فيه وعشان تطلعون مقاسكم الصحيح اقرو التعليقات تحت كل قطعه ، واذا ما كانت القطعه مافيها تعلقيات يفّضل ماتجازفون فيها واذا كان لكم رغبه تجازفون خذو مقاسكم لعلى وعسى تجي من حظكم وتزبط ، وبخصوص جدول المقاسات ما قد جربت استخدمه لا بملابس ولا بشوزات فلي جرب يكتبلنا تحت نفيد ونستفيد من تجاربكم
وبنهاية التدوينه اتمنى انكم استمتعو واستفدتو بشي ولو بسيط واشوفكم في تدوينات قادمه
تعليقات
إرسال تعليق