يا مساء الخير والسعادة والهدوء 💜كيفكم ؟
اليوم هو اليوم اللي ابغا اوثقه في مدونتي ، من زمان وانا ابغا انزل في مدونتي هنوع من التدوينات اللي اشاركم فيها تفاصيل يومي لمدة ٢٤ ساعه ، وهاليوم هو افضل يوم انزل فيه هتدوينه ، لأول يوم لي بالجامعه 💁🏻♀️
حالياً قاعده اكتب والساعه ١٢ وبعد ثلاث ساعات يفترض مني اني اتجهز للدوام واسماء مصحصحه ومافيها نوم 👧🏻☺️ وللأن ما نتظم نومي لدوام لكن انا عارفه انو غصباً عني رح ينتظم نومي بعد تعب الدوام بيجي ليل وانام نومه متصله ومنظمه 👍 فاليوم للأسف وانا ماني حابه هالشي لكن رح اداوم وانا مواصله 😁 ويمكن انام ساعتين ماتدرون 🙊
المهم بنبدأ من الساعه ٧ بالليل لحد ٧ باليل يصير ٢٤ ساعه بالزبط 👌🏻
تنويه :
المعذره لو كان التصوير مش ولابد بس لأنه على غير العاده صورت بدون انارة شمس وهذا اللي طلع معي 👀💜
ف الساعه ٧ م كنت راجعه من المول تقضيت كم قطعه للجامعه واخذت عشا معاي للبيت ، القطع اللي اشتريتها شي فنان 😛👌🏻 وانشاءالله بنزل تدوينه بأقرب وقت لأخر قطع اشتريتها 🙊👍ً
رجعت للبيت تعشيت وتابعت يوتيوب وبديت انظف غرفتي 💁🏻♀️ منظفات اللي احتاجها لتنظيف غرفتي الحمدالله كامله و موجوده في حمامي ، لكن مازلت اخذ وقت طويل في تنظيف الغرفه 🙃 ومو عارفه السبب اللي خلاني اخذ الوقت هذا كله في تنظيفها 🤔 للمعلوميه انا غرفتي بحمامي بمغسلة الأيدي وسيب الفاصل بينها هو الانظفه مو بس غرفه 👀 فأن معتاده انظف اكثر من كذا لكن تنظيفي فيها يطول ساعتين ثلاثه ، بس انشاءالله رح اسويلي نظام وجدول لتنظيف اليومي 👌🏻 حبحبه لحد ما اتعود على نظام الدوام ويصير عندي سيستيم امشي عليه 👏
المهم بعد ما خلصت تقريباً على الساعه ١١:٤٠ م
بخرت غرفتي بعدها بخرت دولاب ملابسي ورتبته ، من الأشياء اللي احب اسويها بدولاب ملابسي واكتشفته بنفسي ☺️ ما اعرف اذا فيه احد يسوي هالشي ولا لأ او اني اكتشفته متأخر 👀
هو اني ارتب ملابسي بترتيب الألوان👌🏻 يعني ادخل قوقل و اطلع صور لدائرة الألوان واشوف كل لون وما يليه و على هالأساس ارتب ملابسي بدولاب بدايةً بلأبيض ونهايةً بالأسود ويتوسطهم الألوان بترتيبها 💁🏻♀️💜 طبعاً هالحركة تسهل علي اني اختار ملابسي واطلع البلايز اللي احتاجها على ترتيب الوانها ، حتى شكلها بالدرج يفتح النفس🙊
وصارت الساعه ١٢:٢٨ م ، بعد الفرفره والتعب بديت ادلع نفسي شويه 💅🏻 قشرة وجهي وفرشت اسناني و استخدمت شييت ماسك قارنيه ، هذا الماسك مو فضيع اللي بعده😍 استخدمته الشهر اللي فات وعلى كثر ماحبيته اشتريت منه كميه 👌🏻❤️❤️ وتكلمت قبل عن هالماسك في تدوينة مفضلات شهر يوليو طلو عليها لو حابين رح احطلكم رابط التدوينه 👍💕
على العموم بعد ماغسلت وجهي وحطيت الماسك اخليه ١٥ دقيقه بعدها اشيله ، المعروف انهم يخلون السائل الماسك على وجههم وما يستخدمون بعده مرطب، السائل يعتبر مرطب للوجه ومايحتاج ، لكن الماسك بنسبه لي مايرطب وجهي بالعكس ينشف وجهي وانا بشرتي اصلاً جافه عاديه ، فبعد الماسك استخدم تونر ومرطب كيو في ، واصحى وانا بشرتي تلق 💅🏻✨
الساعه حالياً ١:٣٠ ص اللحين استعدادات للنوم 💁🏻♀️ حملت تطبيق قبل كم يوم اسمه Alarmy ، هو تطبيق منبه مثل اي منبه لكن اللي يميزه عن باقي التطبيقات هو انك تحددين الوقت والايام اللي تبغينه يصحيك ، يصير حتى لو ما تيمتي الساعه قبل لا تنامين هو بنفسه رح يدق اوتماتيكلي لكن لازم تحددين الأيام ، اذا دق ماتقدرين تطفين منبه إلا اذا حليتي مسئله رياضيه او ألتقطتي صوره او اذا لعبتي لعبه يعطيك ياها ، فكرته يخليك تركز عشان تصحصح 😛 انا اخترت اني التقط صوره وان المنبه ما يوقف الا اذا صورة مغسلة وانا اللي يعرفني يعرف ان نومي ثقيل مرره 🙃 وعاد بشتا وش يصحيني 💔☺️ ، ما ينفع معي غير هالحل 😛، فهالتطبيق اتوقع انه بيساعد ، *انشاءالله يساعد 👀
وننتظر النوم يلازمني 🚶🏻♀️ وارجعلكم اول ما إصحى
الساعه حالياً ٤:١٥ ص ، ماعرفت انام كويس ، فجأة قرر قولوني يلعب ☺️💔 وصداع ألف 😞 بس لأني ماشربت كوفي اليوم فصدعت او لأني ركزت كثير على الأجهزه وصدعت 🤔ما أدري
على العموم ...
صليت الفجر ، فطرت كورن فليكس شي خفيف على المعدة ، و فتحت اليوتيوب على قناة عصابة بدر ، هاذي القناة عرفتها من بنت اخوي ، فعلياً هالفترة ما افتح في اليوتيوب غير هالقناه ، تعرفون اللي تبغون تابعون شي تغيرون جو وتاخذون طاقه ايجابيه 👀 هاذا اللي ابغاه لما اتابع اي فديو باليوتيوب ، مايهم اذا فيه فائده ولا لأ ، اهم شي فديوهات توسع الصدر و ويوميات جميله لا اكثر ولا أقل ، بكل بساطه ومن غير اي تعقيدات وشرح وفلسفه زياده عن اللزوم تتابع شي يونسك وانتهى 💜
بعد الفطور مباشرةً بديت البس واجهز نفسي ، ولأني مواصله ومزاجي موش ولابد بسبب نومي المعتفس 😁👍 قررت ألبس شي فريحي و لون واخترت ابدأها بلون اصفر 😛⭐️ البلوزه مبينه في صوره انها شتويه لكن في الواقع مو شتويه بالعكس خفيفه مره ، شكلها يوحي لهالشي مع ذلك مو ثقيله ، اشتريتها امس من ماكس ب ٦٧ ريال ، وسعرها عليها 👌🏻 رح انزل تدوينه قريب لمشتريات من ماكس واوريكم باقي القطع اللي اخذتها بأسعارها 😍 اخر مره دخلت لهالمحل يمكن قبل سنتين او ثلاث ، اكتفيت بهالسنتين بطلبات الأونلاين اكثر لكن فعلياً ماكس تحسن عن أول بكثير 👏 شوزي وشنطتي من شي أن ونزلت تفاصيلهم في تدوينه سابقه .
واحلى فقره عندي فقرة الميكب ، سويت ميكب ناعم مره وبسيط يناسب الدوام دراجات البني والنود كنت معتمدتها مع ايلاينر خفيف 💄 وشعر ستريت 💁🏻♀️✨
بعد ماتجهزت طقيت عبايتي ونزلت امشي شوي واحرك رجيلاتي واشم هو نظيف 💘
تقريباً مشيت من ٦:٥ ص و وصلت ٧:٤٠ 👍 بعيد صح بس توقعت اني بطول زياده 😛
٨ ص ، اول ما وصلت وشفت المبنى من برى ، حسيت بمشاعر لذيذه 🙊😂💕 المكان اللي داومت فيه اكثر من مره عشان اختبر في قدرات وتحصيلي ، هو نفسه اللحين اللي اداوم فيه وانا طالبه لغة ، واو ✨
ما اسرع الأيام كيف تمر ، وكيف ربي حقق أشياء اتمناها واسعالها ولو بعد مدة من التعب ، الحمدالله❤️
الساعه ٩:١٣ ص دخلت مع صديقاتي لمحاظره تعريفيه للجامعه وزي كذا ، ماكملت المحاظره للأخير وطلعت وقتها افطر للكفيتيريا 💕
للمعلوميه لانه في جامعات تختلف في هشي عن جامعتي ، انا بجامعتي اول اسبوع يكون تعذيل للجداول و استلام البطاقه الجامعيه وغيرها ، مانبدأ الدراسه فعلياً ونلتزم بالجدول الا من بداية الاسبوع الثاني 👀👌🏻
١٠:٣٥ ص في كافتيريا فطرنا انا والبنات بعدها طلعنا للطابق الثاني والثالث حفظنا اماكن القاعات ومريت على اساتذتي وحفظت وين مكاتبهم 👀😛 وبكل مره نمر فيها لجناح مدير الاداره عساس نستلم البطاقه يقولون لنا ان السيستم معلق 🤔 ومازلنا بنمرهم بكره والاسبوع الجاي 😩💔 وياليل العنا 😞
تقريباً وصلت للبيت على الساعه ١:٠٠ م ، الله لا يوريكم دخلت غرفتي وجهي بالمخده 😩 مسحت مكياجي وغسلت وجهي واسناني صليت الظهر واخذت شور محترم ونمت نومه ☺️❤️❤️ تجيب العافيه ، اول ما اصحى رح اكل واغسل ملابسي واجهز اغراضي لدوام بكره واقضي ليلتي بطريقتي المعتاده 👏💘
وبكذا اكون وصلت لنهاية التدوينه انشاءالله انكم استمتعو معي في اول يوم لي بالجامعه نفس ما انا استمعت في كتابتها لكم ، واتمنى انكم استفدتو ولو بسيط وألقاكم في تدوينات قادمه 💕
تعليقات
إرسال تعليق