يا مساء الخير والسعاده 💕 ، كيفكم ؟
تدوينة اليوم عن حلا الطفوله 👧🏻💘 حلا سويته لما كنت بلأبتدائي وعلمتني عليه اختي ( رباب اذا تقرين هاي☺️) شفت الوصفه بأكسبلور في الانستقرام و تحمست اسويها زمان ما ذقتها من ايام الابتدائي ، على العموم الوصفه سويتها ونزلت طريقتها بستوري الانستقرام وحفظتها بهايلايت بحسابي لو حابين تشوفوها تلقوها بآنستقرامي
@asoma.me 👍✨:
الوصفه جداً سهله وتفك ازمه لو كنتي مشتهيه تشوكليت ومالقيتي 😂☺️
على العموم عشان لا اطول عليكم نبدأ بالمقادير :
٢ بسكوت شاي او دايجستف مكسر
كوب حليب بودرة
نص كوب باودرة كوكاو
فنجان سكر
علبة ونص قشطه
ونخلطهم كويس 👌🏻
بعدها ناخذ الخليط ونرصه في قصدير ونلفه مثل الساندويتش 💁🏻♀️🌀
وندخلها في الفريزر تتماسك ، للتقديم تقطعيها شرايح وتفكي القصدير منها وبس 😛
الحلى طري طري طري مره ولذيذ صدق لذيذ ، يفضل تستخدمو بودرة كاكو كويسه اللي فيها حلاوه ماتكون مره ، مثل هتنز او بودرة كاكاو سنكويك مره حلوين 👌🏻😍
وبس وبكذا نكون وصلنا لنهاية التدوينه تدوينة بسيطه خفيفه
انشاءالله انكم استفدتو ولو بشي بسيط وألقاكم في تدوينات قادمه *
تعليقات
إرسال تعليق