صباح السعاده
كيف الحال ؟
اليوم اشتهيت شي حالي واول ما طرا ببالي اني اسوي كوكيز 🤭
انا جربت اكثر من طريقه للكوكيز وبكل مره اجيب العيد وتخرب معي
مع اني مو مقتنعه بالشكل الكوكيز لكن متأكده هالطريقه رح ارسي عليها خلاص واعتمدها 👀
كنت استخدم خليط الكوكيز الجاهز كان يزبط مع اخواتي بس عجزت ما زبط معي ☹️
وجربت اسوي الخليط بنفسي بدل الجاهز وكانت هاذي التجربه موفقه 👍
اللي يتابعني بالأنستا كل مره اجرب طبخه واتعلمها اشاركها في الانستا ستوري
او بالـ IGTV بس هالمره قلت خل المدونه تاخذ نصيبها من طبخاتي 😂
عاد انا وحظي يا تصيب يا تخيب 👀
الكوكيز اللي سويته اليوم يسمونه كوكيز كرنكل وعادةً يكون هالكوكيز مغطى بسكر بودره
بس لانه ما حبيت هالاضافه ولو اني استوعبت انها تعطي شكل جمالي للكوكيز
مع ذلك ماحبيت اضيف السكر عشان ماتصير حاليه بزياده
فسكر شي اخترت ما اضيفه لك حريت الاختيار 👌🏻
اعرف الشكل ما يحمس لكن الطعم بالمخيخ 😍
على العموم نبدأ بالطريقه :
نحتاج للمكونات السائله
نص اصبع زبده
كوب سكر
رشة فانيلا باودر
بيضتين
ونحتاج للمكونات الجافه
كوبين دقيق
كاسه كاكاو باودر
رشة ملح
ملعقتين صغيره بيكنج باودر
حبوب هيرشي للكوكيز
الطريقه :
نخلط المكونات السائله كلها بالأله الخفق ، بعد ماتخلطها
في وعاء ثلني نضيف المكونات الجافه مع بعض ونضيف معها حبوب هيرشي ونخلطها
بعد ما خلصنا من المكونات الجافه اضيف بالتدريج المكونات الجافه على المكونات السائله ونخلط وهكذا لحد مايصير الخليط عندي متماسك وغير سائل
بعدها ناخذ العجينه نكورها اذا حابين تحشونها بقطع تشوكليت جالكسي او غيره احشوها اختياري انا ماحشيتها
بعد ماتكوروها تمرروها على صحن فيه سكر بودره بحيث السكر يلتصق فيه
بعدها ترصوها في صينيه مدهونه بالزبده او بزيت وتشغلو عليها من فوق وتحت على حراره هاديه لمدة ١٠ دقايق فقط
وتكون جاهزه ، اهي كوكيز الكريكل بالعاده بسكر بودره انا ماحطيت انتو لو حابين حطو
هاذي بالنسبه لي اسهل طريقه للكوكيز جربتها عادةً فيه حسابات ينزلو طرق تعجيزيه خلوني الجأ لخليط الجاهز كبديل وهي بالأساس طريقتها اسهل بكثير والمكونات متوفره بكل بيت 👌🏻
اتمنى تكون عجبتكم التدوينه وخاصةً انها اول تدوينة طبخ بالمدونه وانشاءالله الجايات احلى والله يستر 😂
انشاءالله تكونو استفدتو ولو بشي بسيط
واشوفكم بمواضيع قادمه *
تعليقات
إرسال تعليق