السلام عليكم
يامساء الخير والاجواء الحلوه ، اليوم تدوينه بتكون ريفيو سريع عن كتاب دائماً اصوره بلأنستقرام واتكلم عنه كثير فقلت ليش ما ألملم كل شي كتبته في الانستا وانزله في المدونه .
بدايةً كتب التلوين مو مقتصره على عمر معيين يعني صحيح ان فيه كثير كتب تلوين برسوم واشكال تناسب صغار بالسن فأخذنا فكرة عامه ان كتب التلوين مخصصه لهالعمر ( الصغار ) لكن فعلياً كثير رسامين اجانب استغلو هوايتهم وحبهم للرسم بطريقه جداً حلوه بحيث تكون رسوماتهم قابله تلوين ومطبوعه في كوتيبات ، حرفياً الرسومات عباره عن لوحة فنيه ، من جمال الرسومات الموجوده في كتاب انيمورفيا اخاف احياناً اني ما اعطي الرسمه حقها بالتلوين ، طبعاً كتاب انمورفيا هو كتاب تلوين من الرسام Kerby rosanes له اسلوب في الرسام وبصمه تحسين تميزه عن باقي الرسامين وهاذا اللي حبيته فيه ، رح احطلكم حسابه بالانستقرام عشان تشوفون الفن و ابداعه بكل لوحه يرسمها اضغطو على الرابط ويوديكم لحسابه دايركتلي :
طبعاً انا اجاني هذا الكتاب هدية من اختي لتخرجي من المتوسط ، و كنت دائماً احكيها عن التلوين وانا من النوع اللي اذا اهتميت بشي معين احب اتكلم عنه واعطي فلسفتي ورباب كانت مستمعه جيده :)
المهم طلبتلي من امازون كتاب انمورفيا وهي طلبتلها كتاب ماني عارفه اسمه الصراحه لكن بأبحث عنه ، السالفه صارلها ثلاث سنين وناسيه اتوقع نزلت بلأنستقرام صوره له بأبحث عنه وانزله بنهاية التدوينه
المهم الكتاب اللي طلبته لنفسها كان عباره عن رسومات لشوارع ومباني وما الى ذلك ، على ان انيمورفيا كانت تلون معي فيه وحبته واستمتعت فيه مع انها مالها بالرسم بتاتاً لكنها ماحبت الكتاب الثاني لانه كان نوعاً ما ممل لانه كانت رسومات فيه بشكل مكرر وهندسي مربعات ومستطيل عشان كذا كان ممل اما انيمورفيا الميزه اللي فيه انه رسومات عباره عن حشو في الصفحة نفسها ورسومات بأحجام كبيره وصغيره وكثيره تاخذي وقت بتلوينها واشكالها مختلفه لكن لها متعه بالتلوين وهاذا اللي يميزها
والكتاب جداً مليان جداً ثلاث سنين والى الان كثير صفحات فيه ماخلصتها
وكمان فيه حاجه حلوه زي انشطه في نهاية الكتاب يحطولك رسومات صغيره معينه يبغاك تلونينها ، لكن هاذي الرسومات انتي لونتيها في احدى الصفحات فأنتي بتروحين ودورين على الرسمه وتلونيها بنفس الطريقه اللي لونتيها بالصفحات اللي قبل ، حبيته هاذا الكتاب كان اول كتاب تلوين لي وماشريت من بعد اي كتاب ثاني حسيته اغناني عنهم وارضاني
النقطه الاخيره اللي حابه اذكرها هي ان الكتاب صفحاته لاهي خفيه ولا ثقيله لكن مع ذالك ماتستحمل الالوان المائيه وعلى طول تتجعلك من المويه فا الأنسب تستعملو الوان خشبيه عشان تكون الصفحة سليمه
وبس بكذا نكون وصلنا لنهاية التدوينه ، انشاءالله تكونون استفدتو ولو بشي بسيط واشوفكم في مواضيع الجايه *
تعليقات
إرسال تعليق