السلام عليكم
تدوينة اليوم رح اتكلم عن بدايتي في الرسم وافضل الأدوات اللي استخدمته واسوأها ،
ولأني من زمان ابغا انزل عن الأدوات اللي استعملها واتكلم عنها بالتفصيل خصوصاً انه صارلي تقريباً ٥ سنين في الرسم وفي السنين هذي عندي خلفيه واسعه اقدر اتكلم من خلالها عن ادوات واساليب استخدمتها و نفعت معي ، طبعاً مارح اتكلم في الموضوع كالبروفيشنيل خذوها على انها سوالف و خبرة كم سنة .
بدايةً من وانا صغيرة كنت ارسم من لما كنت في الأبتدائي ، ماكنت اعتبرها هواية ولا فكرت اني انمي فيني حب الرسم واطوره ، الشي الوحيد اللي كنت اعرفه ان رسمي حلو فقط ، مثل اخواتي الباقين لأن عندي اختين ماشاءالله رسامين وكنت مقتنعه ان الرسم صفه مكتسبة من اخواتي ، كنت اخذ قصص ارسم احداثها ، مثل اي طفل خياله واسع ، بديت انمي هالشي فعلياً في عمر ١٣ سنة في الوقت اللي تعمقت في مواقع التواصل الاجتماعي وخصوصاً الانستا ، بديت القى حسابات واتابعها ويزيد حماسي كل يوم اني اتعلم الرسم واتقنه ، وطبعاً غير الرسم من الاشياء اللي صارت من هواياتي من الانستا كان التصوير والتدوين وكثير ، المهم نرجع الموضوعنا بديت وقتها احفظ صور وارسمها واتابع يوتيوب ومن اهم الأشياء اللي طورت من اسلوبي في الرسم كان متابعت فيديوهات تعليميه على اليوتيوب ، مو مهم اني انسخ و ارسم مثلهم قد ما اتعلم طرق وتكنيك ، لما تتعلم تكنيك الصحيح لأي نوع رسم سواء كان بورترية او كارتون او مانجا رح يكون لك اسلوب خاص فيك في الرسم وهاذا من اهم الأشياء بالنسبة لي
اني يكون لي اسلوب يميزني عن غيري *
بالنسبة للفديوهات اكتبو في اليوتيوب في خانة البحث How to draw ......
واكتبو بعدها نوع الرسم اللي تبغوه سواء كان كرتون او بورتريه او غيره
ومن القنوات في اليوتيوب القناة اللي اعشق رسمها و اسلوبها في الرسم وطريقتها وفديواتها تعليميه ودائماً اخرج من الفديو بطريقة و رسمة مُرضيه
اسم قناتها agnesceile
تابعتها في بدايتي وفديواتها ساعدتني في تلوين بالألوان المائية ، طريقتها في التلوين خرافية وسهلة مع الاستمرار
ما اتوقع انه رح تفيد للمبتدئين في الرسم لانها تلون في الفديوات اكثر من انها ترسم لكن بتفيد اللي يحبون التلوين بلألوان المائية مثلي
رابط قناة
https://m.youtube.com/user/agnescecile/videos?shelf_id=1&sort=dd&view=0
اما القناة الثانية اسمها Easy Pictures to draw
هاذي رح تفيد للمبتدئين صدق ، فديوات تعليمية خطوة بخطوة عن شخصيات كرتونية بطريقة سهلة وبسيطة ومافيها تعقيد :)
رابط قناة
https://m.youtube.com/user/EasyPicturesToDraw/videos?shelf_id=1&sort=dd&view=0
و لأجمل جزء عندي "الادوات" دائماً اقول مو مهم يكون الأدوات من اغلى مايكون قد ماتكون جودتها كويسه ومو الأدوات الغاليه تحسن من رسمك ولا تتوقع اذا استخدمت الماركة الفلانية رح يكون رسمك فنتاستيك ، ياما شفنا فنانين يرسمون بأبسط الأدوات ورسماتهم خياليه ، الممارسة والأستمرراية هي اللي رح تحسن من رسمك وموهبتك اما الأدوات فهي تكمل الرسم لاغير . طبعاً اللحين رح ابدأ اكتب بالتدريج الادوات من محايه الى مانوصل للأضافات اللوحة المتكامله عشان يكون شرحت كل شي واعطيته حقه
ونبدأ بأقلام الرصاص :
اقلام الرصاص Derwent
اهدتني ايها صديقة عزيزة علي في عيد ميلادي ومن بعدها معدت استعمل اقلام غيرها في رسمي ، اتعب وانا اقول جميلة
الاقلام تجي مع شنطة جلد و كتيب او كراسة صغيرة ومحايه والبراية ودرجات من من اقلام الرصاص والفحم ، حبيت هالأقلام لانها سهلة في الدمج وماتترك خطوط وواضحة وغير كذا شنطتها عملية تنشال معي لاي مكان ومو كبيرة ،
وهاذي صورة للدرجات الموجودة من الرصاص والفحم
بالنسبة لدرجات الأقلام اذا كنتو مبتدئين في التضليل وماتعرفو تفرقو بين الدرجات استعملو اخر صفحة من كراسة او اي ورقه وخذو كل قلم وسوو علامة واكتبو درجة القلم تحتها وتصير لكم مرجع اذا جيتو تستعملو الأقلام ، مع كثرت استعمالها رح تحفظو الدرجات تلقائياً
موجودة في جرير
ايش تعني الأرقام والحروف المكتوبة على اقلام التظليل وكيف نستفيد منها
الصورة هاذي توضح درجات اقلام التضليل
H : الفاتح ، كل مازاد الرقم اللي جنبه كل ماصار افتح و انشف وصعب الدمج والمسح ويعتبر من درجات النور
F : سهل المسح ، دائماً يستعمل للخطوط الأساسيه ماقبل الرسم
HB : درجة الوسط بين الظل والنور
B : الغامق ، وكل مازاد الرقم اللي جنبه كل ماصار اغمق واكثر طرواة وسهل الدمج
الفايدة من الكلام ذا كله
لما نبدا برسمة اول درجة رح نستخدمها في الخطوط الأساسيه هي F
بعدها نحدد في الرسمة اماكن الظل والنور ، و يفضل لما تحددون اماكن الظل والنور اكتبو بخفيف الدرجة على المكان اللي بتضللونه وعلى المكان اللي بتفتحونه عشان يسهل عليكم
بعدها اذا بديتو بالدمج ادمجو الدرجة مع اللي بعدها ولا تتركون فاصل لحد ماتوصلو عند المنطقة الاضاءة اتركوها بيضاء بدون دمج
واذا كان للرسمة ظل لا تهملوها بالعكس ارسموها وادمجوه لانها تعطي عمق و بُعد وتجسيم
* الشرح منقول *
في توزيع الرصاص والفحم ودمجه استعمل ادوات الدمج ، حلوه ويختلف حجمها على حسب رقمها
مهم جداً عند الدمج انكم تستخدومو ادوات دمج او مناديل او اعواد تنظيف الاذاني بدل من الاصبع ، لان الاصبع يطلع افرازات وتعرق ممكن يوسخ الرسمه ، و غير كذا من الظروري تحط تحت ايدك منديل عشان ماتوسخ الورق ، مع اني استعملها كثير لكن اشوف فيه بدائل عنها
مثل ماقلت المناديل واعواد الأذاني
والكناسة
تفيد بالرضو بأنه الزوايد المحاية بعد المسح تزيحها بدون ما توسخ الرسمه لانه مثل ماقلت يفضل ماتلمس الورق بعد الرصاص عشان ما يتوسخ
وبعد مانتهينا من الأقلام الرصاص رح نبدا بكراسات الرسم اللي استعملها هالفترة ..
طبعاً هاذي الكراسات مو هي الوحيدة اللي استعملت كثير كتب و كراسات رسم من ماركات مختلفه في منها اللي عجبني واللي لأ ، لكن هاذي الكراسات بذات تقدرو تلاقونها في اي مكتبة وسعرها وجودتها ممتازه ، لو تلاحظون الكراسات غلافتها من برا فيها تشابه بسيط ، لكنها تختلف من شركة للثانيه *
كراسات هي كانسون ، وفبرينو ، و إيمكو
هالكراسات الثلاث لها نفس الجوده وماتفرق عن بعض كثير
هاذي الكراسة بذات لماكنت بالابتدائي كانو يطلبونها في حصة الفنية خصوصاً كانسون ، جودتها ممتازة جداً ورقها مناسب للألوان المائية و الرصاص والفحم وكل الانواع يعني اشتريها وانا مغمضة وما اشيل هم النوعيتها لان اساساً ورقها ثقيل ويستحمل .
اما عن أسوأ نوع استعملته كان ألماس ، مع انه مكتوب ان الورق مناسب للأقلام ( الرصاص او الاقلام التلوين الخشبيه )
السيئ فيها ان مهما كان درجة قلم الرصاص اللي تستخدمه وحاولت تدمجه تبدا الورقه تطلع زي الفتات ، ما ادري اذا فهمتوني بس نوعية الورقه نفسها سيئه مو من الأقلام ، وورقها خفيف مايناسب الا الاقلام حتى جودتها كالورق اقلام رصاص سيئ ورقها مو سميك ، انا من النوع اللي ما احب الكراسات الكثير اللي اتقيدني على نوع الأدوات معينه ، اذا نفسي ارسم بلألوان مائية لازم يكون عندي كراسه للألوان المائية منفصله عن الرصاص والفحم ، انا بس ابي افتح الكراسه وارسم وألون بدون ما اشيل هم الورقه لا تتجعلك من الموية او تتفتت من دمج الرصاص .
ننتقل للألوان المائية .
١- Koi باليت الألوان المائية من
هاذا الباليت صارله معي تقريباً سنتين والى الأن لسى الألوان ماخلصت (يمكن اللون الأسود يحاول يلفظ انفاسه الأخيره) اعتذر على المنظر الكارثي من داخل بس انا احب اتركها كذا لاني كل ما افتحه واشوف بعثرت الالوان تنفتح نفسي احب شكله (: المهم نرجع لموضوعنا، هالباليت يخدم كثير وخصوصاً في اوقات السفر حجمه مناسب ماياخذ مكان فيه تقريباً ١٨ لون ، يجي مع هالباليت فرشة و باليت عشان تحطي في المويه لكن ما استعمله كثير ، والفرشة ما ادري وين راحت فجأة ضاعت :) تسمى بالألوان المائية الجافه وهي بالنسبه لي افضل بكثير من الألوان المئيه العصارة ، طريقة التلوين الجافه والعصارة ونتيجتها نفس بعض لكن من ايجابيات الألوان مائيه الجافه :
١- ان الألوان الجافه تبقى معك اطول فترة ممكنة على عكس العصارة
٢- انظف واسهل استعمال من العصارة ، كنت زمان اشيل هم وانتبه اني ما اعصر كمية كبيره وانا مارح استعملها كلها
٣- سهلة التنقل على عكس العصارة العلبها الكرتونية دائماً تتقطع داخل الشنطة السفر واغلب الألوان تضيع
طبعاً كثير جداً اللوحات اللي استعملتها بهالباليت ومنها :
٢- Faber castel ألوان خشبيه مائية
الألوان هاذي للأسف تجربتي معها مو كثير ، لان لما كنت في المكتبه كنت مستعجلة واخذتها على انها الوان خشبيه وماقريت اللي مكتوب عليها (طبعاً لحد يسوي مثلي) ولما رجعت للبيت واستعملته في وحده من رسماتي لاحظت انها شمعيه شوي فاستغربت بعد ماقريت اللي عليها عرفت انها الوان مائية وابد والله جبت كاسة موية وغمستها ولونت ، مو سيئة و مو متحسفه اني اشتريتها والى الأن استعمالها بالنسبة غريب فنفرة منها وما عندي عنها اي ملاحظات صارلها سنه او سنتين عندي ، لكن ما ادري الصراحة ليش قطعت عنها فترة طويله انشاءالله تكون لي رجعه بهالألوان وارسم لوحات منها
الرسمتين الوحيدة والبسيطة بستعمال الوان فيبر كاستل :
٣- prang باليت ألوان مائية
هاذا الباليت فيه الألوان الأساسيه ، فيه ٨ ألوان ، جميلة لكن م مافيها تنوع بالألوان وتتقيد بهالألوان بس ، عن نفسي احياناً اذا ابغى اطلع درجات ثانيه اخلط لونين مع بعض لحد ما اطلع الدرجة اللي ابغاها ، استعمالي اكثر للباليت كوي اكثر من هالباليت لكن مو معانته انه سيئ بالعكس لكن افضل كوي لان درجات الألوان فيه اكثر من هالباليت فأخذ راحتي ، رائع جداً
من الرسمات اللي استعملت فيها الوان من الباليت برانق :
وفي نهاية التدوينه اتمنى انكم استفدتو ولو بشي بسيط ، اشوفكم في مواضيع الجايه *
تعليقات
إرسال تعليق